మనం తీసుకునే ఆహారం మన ఆరోగ్యాన్ని నిర్ణయిస్తుంది. అందుకే సరైన ఆహారాలు తినమని వైద్యులు చెబుతుంటారు.. అప్పుడే ఎలాంటి రోగాలు దరిచేరకుండా ఆరోగ్యంగా ఉంటారు. మంచి ఆరోగ్యం కోసం పండ్లు తప్పనిసరిగా తినమని చెబుతుంటారు.. మనం రోజూ తినే ఆహారంలో విటమిన్లు, ప్రొటీన్లు సమృద్ధిగా అందాలంటే.. సమత్యుల ఆహారం తప్పనిసరి.. అందులో భాగంగా పండ్లను కూడా క్రమం తప్పకుండా తీసుకోవాలి. అందులో ఒకటి సపోటా పండు. ఈ పండు తింటే మనకు సహజసిద్ధంగా ఎనర్జీ అందిస్తుంది.
సపోటా పండు మామిడి పండుతో సమానంగా తియ్యగా ఉంటుంది. రోజు రెండు సపోటా పండ్లు తీసుకోవడం వల్ల ఆరోగ్య ప్రయోజనాలు అనేకం అందుతాయని పోషకాహార నిపుణులు చెబుతున్నారు. ఇది మన శరీరానికి తక్షణ శక్తి అందిస్తుంది. అంతేకాదు మన ఇమ్యూనిటీ వ్యవస్థను బలపరుస్తుంది.
సపోటాలో విటమిన్లు బి, సి, ఇ, కాల్షియం, మెగ్నీషియం, పొటాషియం, మాంగనీస్, ఫైబర్, ఖనిజాలు, యాంటీఆక్సిడెంట్లు వంటి పోషకాలు కూడా పుష్కలంగా దొరుకుతాయి. ఇది మీ రోగనిరోధక శక్తిని బలపరుస్తుంది. దగ్గు, జలుబు వంటి చిన్న వ్యాధులకు వ్యతిరేకంగా పోరాడే సామర్థ్యాన్ని కలిగి ఉంటుంది.
సపోటా పండ్లను రెగ్యూలర్‌గా తీసుకోవటం వల్ల చర్మ ఆరోగ్యం కూడా బాగుంటుంది. అంతే కాదు జుట్టు ఆరోగ్యానికి కూడా తోడ్పడుతుంది సపోటా. ఈ పండులో విటమిన్ ఇ, ఎ, సి పుష్కలంగా ఉండటం వల్ల చర్మం సహజంగా మెరుస్తుంది. దృష్టి సమస్యలతో బాధపడేవారికి సపోటా మంచిగా పనిచేస్తుంది. విటమిన్ ఎతో నిండి ఉంటుంది.
ఆరోగ్యకరమైన పేగు కదలికలకు సపోటా ఎంతో మేలు చేస్తుంది. ఈ పండు కేవలం రుచికరమైనది కాదు.. ఇది బరువు తగ్గడంలో కూడా సహాయపడుతుంది. ఇందులోని అధిక ఫైబర్ కంటెంట్ శరీరంలో పేరుకుపోయిన సూక్ష్మపోషకాలను కరిగించడంలో సహాయపడుతుంది. ఇందులో ఉండే విటమిన్లు శరీరం సరిగ్గా పని చేసేందుకు సహాయపడతాయి.
సపోటా పండు కొలెస్ట్రాల్ లేనిది. చెడు కొలెస్ట్రాల్‌ను తగ్గిస్తుంది. మీ గుండెకు మంచి ఆరోగ్యాన్ని ఇస్తుంది. ఇందులో విటమిన్ బి, ఇ పుష్కలంగా ఉంటుంది. ఫైబర్, విటమిన్లు, యాంటీ ఆక్సిడెంట్లతో సపోటా జీర్ణశక్తికి సూపర్‌ హీరోలాంటిది.
