విక్టరీ వెంకటేష్‌, సౌందర్య మ్యారేజ్‌ చేసుకోవాలనుకున్నారనే పుకార్లు వినిపిస్తుంటాయి. కానీ మరో స్టార్ హీరోయిన్‌ వెంకీనే మ్యారేజ్‌ చేసుకుంటానని ఇంట్లో గొడవ చేసిందట.
వెంకటేష్‌ అనుకోకుండా హీరో అయ్యాడు. బేసిక్‌గా ఆయన బిజినెస్‌ పెట్టుకుని ఫారెన్‌లో సెటిల్‌ కావాలనుకున్నారు. కానీ కృష్ణ హ్యాండివ్వడంతో తండ్రి రామానాయుడు వెంకటేష్‌ని హీరో చేశాడు. హిట్‌కొట్టాడు. అలా యాక్సిడెంటల్‌గా హీరో అయిన వెంకీని చాలా మంది హీరోయిన్లు ఇష్టపడ్డారు.
సౌందర్యతో పెళ్లి వరకు వెళ్లారనే రూమర్‌ ఉంది. అలాగే మరో స్టార్ హీరోయిన్‌ కూడా వెంకీపై మోజు పడిందట. ఆయన్నే పెళ్లి చేసుకుంటానని ఇంట్లో పెద్ద గొడవనే పెట్టుకుందట. మరి ఆ కథేంటో చూద్దాం.
వెంకటేష్‌ ఆల్మోస్ట్ పెళ్లి అయిన తర్వాతనే సినిమాల్లోకి వచ్చాడు. అయితే వెంకీ చాలా డీసెంట్‌గా, కూల్‌గా ఉంటాడు. అందరికి రెస్పెక్ట్ ఇస్తాడు. ముఖ్యంగా ఆడవారికి. అదే ఆయనకు అసెట్. చూడ్డానికి అందంగానూ ఉంటాడు. అందుకే ఆయన్ని అమ్మాయిలు ఇష్టపడతారు.
అయితే సౌందర్యతో కలిసి ఎక్కువ సినిమాలు చేశాడు వెంకీ. వీరి మధ్య మంచి బాండింగ్‌ ఏర్పడింది. ఇద్దరు ప్రేమలో పడ్డారని, పెళ్లి వరకు వెళ్లారనే రూమర్‌ వినిపిస్తుంది. తండ్రి రామానాయుడు మందలించడంతో వెనక్కి తగ్గారని టాక్.
కానీ ఓ స్టార్ హీరోయిన్‌ మాత్రం నేను వెంకటేష్‌నే పెళ్లి చేసుకుంటానని ఇంట్లో గొడవ చేసిందట. ఆమె ఎవరో కాదు రాశీ. బాలనటిగా ఇండస్ట్రీలోకి వచ్చింది రాశీ. చెన్నైలో విజయ, ఏవీఎం స్టూడియోల వద్దనే తమ పేరెంట్స్ టీషాప్‌ నడిపించేవాళ్లట. ఆ సమయంలో చాలా మంది హీరోలు, హీరోయిన్లు, దర్శకులు అక్కడికి వచ్చి టీ తాగేవారట.
ఓ సారి రాశీ మేగజీన్‌పై వెంకటేష్‌ ఫోటోలు చూసింది. అలాగే ఆయన నటించిన సినిమాలు చూసింది. అప్పటికీ ఆమెది చిన్న వయసు. టీనేజ్‌కి తక్కువగానే ఉంటుంది. ఆ సమయంలోనే తాను వెంకటేష్‌ని పెళ్లి చేసుకుంటానని ఇంట్లో గొడవ పెట్టుకుందట.
రాశీ వాలకం చూసి పేరెంట్స్ ఆశ్చర్యపోయారట. ఈ పిల్ల ఇలా బిహేవ్‌ చేస్తుందేంటి? అని అనుకునేవాళ్లట. ఏమీ తెలియని ఏజ్‌ కావడంతో నవ్వుతూ మందలించారట. అయితే చిన్నప్పుడు రాశీకి పెళ్లి అంటే చాలా పిచ్చి ఉండేదట. స్కూల్‌లో భవిష్యత్‌లో ఏం అవుతావని టీచర్‌ అడితే హౌజ్‌ వైఫ్‌ అవుతానని చెప్పిందట.
ఆ పెళ్లి ఆసక్తితోనే వెంకటేష్‌కి మ్యారేజ్‌ అయినా సరే బాగున్నాడని ఆయన్నే మ్యారేజ్‌ చేసుకుంటానని మరాం చేసిందట. అంతటితో ఆగలేదు, ఓ సారి రాజీవ్‌ గాంధీ ఫోటో మేగజీన్‌లో వస్తే ఆయన్ని చూసి కూడా ఆయన్నే మ్యారేజ్‌ చేసుకుంటానని గొడవ పెట్టుకుందట. ఇలా చిన్నప్పుడే చాలా కథ నడిపించింది రాశీ. ఓ ఇంటర్వ్యూలో ఆమెనే ఈ విషయాలను వెల్లడించింది.
రాశీ..1988లో `రావు గారి ఇల్లు` అనే సినిమాతో బాలనటిగా ఇండస్ట్రీలోకి అడుగుపెట్టింది. ఇందులో నాగేశ్వరరావు హీరో. ఇలా వరుసగా `ఆదిత్య 369`, `అంకురం`, `పల్నాటి పౌరుషం` వంటి చిత్రాల్లో బాలనటిగా మెప్పించింది.
1997లో `శుభాకాంక్షలు` మూవీతో హీరోయిన్‌గా మారింది. తెలుగులో అనేక సూపర్‌ హిట్‌ చిత్రాలు చేసింది. చివరగా ఆమె 2017లో `లంక` అనే మూవీలో నటించింది. ఇప్పుడు సీరియల్స్ తో బిజీగా ఉంది. రాశీ.. దర్శకుడు శ్రీముణిని ప్రేమించి పెళ్లిచేసుకుంది.
