Politics
పాలేరు సీటు సిపిఎం కు కేటాయిస్తారా…ఎవరు ఎక్కడ పోటీ చేస్తారు..!పాలేరు పై కొత్త చర్చ..మోగిన ఎన్నికల నగారా .. విడుదలైన షెడ్యూల్..
రాష్ట్రవ్యాప్తంగా అభ్యర్థులను ప్రకటించి బి ఆర్ఎస్ ఇప్పటికే ప్రచారంలో దూసుకుపోతోంది.. కాంగ్రెస్ అభ్యర్థుల జాబితా ప్రకటన ఇంకా ఆలస్యం అవుతుందంటున్నారు.. ప్రధానంగా ఉమ్మడి ఖమ్మం జిల్లాలో ని పాలేరు నియోజకవర్గం పై కొత్త ప్రచారం తెరపైకి వచ్చింది.. పాలేరు నియోజకవర్గం సిపిఎం పార్టీకి కేటాయిస్తారని ఆసక్తికర చర్చ జరుగుతోంది… వామపక్షాలతో పొత్తు ఖరారు అయితే తమకు పాలేరు కేటాయించాలని సిపిఎం కోరుతున్నట్లు తెలుస్తోంది.. మరోపక్క మాజీ మంత్రి తుమ్మల నాగేశ్వరరావు, మాజీ ఎంపీ పొంగులేటి శ్రీనివాసరెడ్డి ఇద్దరు పాలేరు నియోజకవర్గం టికెట్టు కోరుతున్న విషయం తెలిసిందే… ఇదిలా ఉంటే పొంగిలేటి శ్రీనివాస్ రెడ్డి కొత్తగూడెం నుంచి పోటీ చేసేందుకు కాంగ్రెస్ నుంచి గ్రీన్ సిగ్నల్ వచ్చిందని ప్రచారం ఒకపక్క జరుగుతుంది.. అదే సందర్భంలో మరోపక్క పొంగులేటి సోదరుడు ప్రసాదరెడ్డి పాలేరు నియోజకవర్గంలో ఇంటింటి ప్రచారంలో ఉన్నారు… ఇప్పుడు తాజాగా పాలేరు సిపిఎంకు కేటాయిస్తారని కొత్త చర్చ ఆసక్తిని రేపుతోంది…